نصائح هامه لتجنب حظرلحسابك الاعلانى على الفيس |فكره ونكته

أزمة الحسابات الإعلانية اللي ضاربة اغلبية المعلنين العرب دلوقتي

مبدأيًا؛ قبل ما تضيف وسيلة دفع وتفتح حساب إعلاني، راعي الحاجات دي كويس

1- الحساب الخاص بيك يكون آكتيف؛ حساب متفاعل؛ لايكات وكومنتات وشيرز والجو دا، ولو هتعمل جديد يشتغل مدة مش اقل

من 10 ايام + الحساب يكون باسم ومعلومات حقيقية عشان في حالة اتقفل تقدر تراسلهم بالبطاقة.

2- الحساب ميكونش بيفتح من كذا مكان

- حساب ميكونش بيفتح من جهازين مختلفين

- متكونش بتستخدم بروكسيهات ع المتصفح اللي بتشغل عليه الحساب "أدوات هولا وادوات تغيير الآي بي".

- المتصفح اللي تفتح منه الحساب متفتحش منه حسابات تانية.

- من باب الاحتياط، متفتحش الحساب من أكتر من متصفح.

- أقصى حاجة تكون بتفتح حسابك من متصفح واحد ومن الموبايل.

3- لما تضيف وسيلة الدفع؛ ركز في الحاجات دي كويس

- مبدأيًا عناوين الفوترة والحاجات دي خليها نفس عنوانك

- بعد ما تضيف وسيلة الدفع، وتروح تخبط إعلان ب100$ ولا 200$، هتلبس في حيط، ابدأ بأرقام خفيفة،3-5$ يومين وعلِّي.

- اعرف القوانين بتاعة الإعلانات كويس جدًا عشان تتجنب مشاكلها "من الرابط دا".

"https://www.facebook.com/ad_guidelines.php"

أهم القوانين دي:

- التيكست ميتعداش 20% من حجم الصورة

- حذاري تحط صور مسيئة في حق شخص او تعمل موضوع وفيه صورة اشخاص "زي مثلا موضوع عن التخسيس وتجيب صورة

واحد بكرش" ممنوعة

- ممنوع استخدام لوجو الفيس بوك في اعلانات "الرابط عادي"،.

- ممنوع استخدام الصور بتاعة قبل وبعد، يعني تقارن بين صورتين وتقول مثلا قبل التخسيس وبعد التخسيس.

- المحتوى الشمال دا، تستعوض ربنا في حسابك.

- ميجيش واحد ذكي ويعمل اعلان ممول لتسويق بيع وشرا وتزويد صفحات فيس.

- نصيحة : لو ناوي تشتغل ادسنس وتمويل مواضيع، بلاش من اول مرة.. خلي بدايتك لتمويل الروابط بعد شوية حملات بتاعة

اللايكات والتفاعل والجو دا.. خلي حسابك يكسب ثقة بس

4- مش كل شوية تمسح اعلان وتضيف اعلان وتوقف وتشغل، نظام الاوتوماتيك لما بيقفش الحاجات دي بيقفل حسابك.

خصوصا لو الاعلان خد وقت محسبش، اصبر عليه، متقعدش تمسحه وتبدأه تاني 100 مرة

~ بخصوص الناس اللي ناوية تشتغل بكوبونات، تضيف وسيلة الدفع بتاعتك.. وتمول منها ب1$ مدة يوم، وتاني يوم نفس القصة،

واصبر يوم او اتنين كمان، ويبقى ضيف الكوبون.

>> طيب فرضًا بردو بعد ما التزمت بكل النظام دا، لبست في حيط وحسابي اتقفلهديلك كذا رابط تراسلهم منه .
1- https://www.facebook.com/help/contact/?id=189823244398879

2-https://www.facebook.com/help/contact/766321470101104

ضيف على كدا تخلي حد يضيف حسابك "المحظور إعلانيًا"، في حساب اعلاني تاني "نشيط"، ويفتح معاك لينك الدعم

"Fb.com/business/contact-us". وتقل دمك عليهم مترحمهمش ^_^

دي مش 100% هتحميك من الحظر، بس أقرب الطرق لتجنب موضوع حظر الإعلانات.

ملـحـوظة أخيرة؛ الكوبونات مبتكونش سبب في قفل الحسابات، بس نتايج التمويل

والحملات من الكوبونات بتبقى حوالي 50-70% من آداء الشغل الشرعي .