Image النصائح الــ100 فى السوشيال ميديا (Social Media)

النصائح الــ100 فى السوشيال ميديا (Social Media) 
ركز كويس جدا لو حابب تستفيد من مجال السوشيال ميديا فى شغلك دي خلاصه خبره محترفين فى المجال ده .
            

---((( الجــــــــــزء الأول )))---

.

1- السوشيال ميديا فكر وعلم وتكنيك وإبتكار مش فهلوة وحركتين تحفظهم تبقى خبير وبكدة يبقى لازم تفهم انك اياك تتفلسف فى هذا العلم لان كل يوم فى جديد، الجديد انك تبقى ملم بكل اللى بيحصل فية.
.
2- فرق السما من الارض بين التسويق الالكترونى، تحفيز محركات البحث، التسويق على الشبكات الاجتماعية و السوشيال ميديا... لان كل دول تحت حاضنة اسمها Marketing.

3- الشبكات الاجتماعية هى منصة Platform للسوشيال ميديا، من فيسبوك و تويتر و غيرهم... وخبرتك عليهم وقوتك فى امكانياتك مش معناها انك خبير سوشيال ميديا .. بالعكس انت محتاج خبرة فى مليون وسيلة واداة ومنصة للسوشيال ميديا عشان تبقى خبير.

4- ابو السوشيال ميديا هوا الــe-Marketing وامه هيا الــ Marketing وبكدة انت لازم تفهم وتستخدم ادوات التسويق الاول وتفهم مبادئة وعلمة عشان تعرف تدخل وتتعرف على السوشيال ميديا صح.

5- مافيش قانون موحد، ايوة زى ما بقولك كدة، مافيش حاجة اسمها قانون فى عالم السوشيال ميديا حتى الان، لان ببساطة فكرة العلم دا مبنية على مجموعة من القوانين الخاصة بكل منصة + قوانين عامة للعمل اللى بنسميها اخلاقياته + مجموعة من الخطوات المرتبة بتوصلنا فى الاخر لنتائج، ولو حد فينا حعمل Prototype جديد او conceptual model فية مجموعة متغيرات وعلاقات منطقية وادانا نتائج كويسة يبقى بردة دا علامة ولازم نستفيد منة.

6- علم السوشيال ميديا مبنى اساسا ولاخر العمر على دراسة الحالة Case Study ولو فعلاً عايز تبقى استاذ سوشيال ميديا، يبقى لازم تتابع وتذاكر وتراقب وتنفيذ اكتر من دراسة حالة وتطلع منها بنتائج كل يوم وتحليلات.
.
7- تحليلات Analysis & statistics هوا دا مربط الفرس، تحليلات واحصائيات بتدينا نظرة قريبة وثاقبة لكل اللى بيحصل ومن هنا تقدر تدرس توجهات المستهلكين ورغباتهم واهدافهم وطموحاتهم وحالة المنتج او الخدمة وافضل طريقة تسويقيه وافضل Digital Marketing Plan واحسن e-Business Channel وافخم eMa Mix ممكن تستعملها.

8- نتائج يعنى ارقام يعنى مبيعات يعنى SMarketing افهم دى بقى، انك مهما كنت استاذ تسويق او سوشيال ميديا فأنت فى الاخر لازم تحقق نتائج لشركتك ودا لازم فى الاخر يعمل Leads و Sales و Profit و Loyalty .. خلاص انتهى زمن التسويق بس او البيع بس، النهاردة بقوا بيكملوا بعض لدرجة تخليك بياع من غير ماتحس وتخلى اللى بيبيع بيسوق من غير ما يشعر، يعنى لازم تتمكن من مهارات المبيعات عشان تبقى ماركتير.

9- سوشيال ميديا يعنى وجودك اونلاين، والجملة دى بس محتاجة سنين نتكلم فيها، وعشان ابسطهالك، قول بسط، اونلاين يعنى موقع الكترونى، يعنى مدونة، يعنى منتدى، يعنى تواجد يفرض نفسة على الشبكات الاجتماعية، يعنى اول نتائج فى محركات البحث، يعنى نشرات بريدية، يعنى ايميلات، يعنى بانرات، يعنى الاقيك فى اى موقع ادخلة، يعنى افتح الكمبيوتر واشبك عالانترنت اشوفك فى وشى، فهمت حاجة؟؟؟ انت لازم تبقى اولاين صح بمحتوى صح Content is the king عشان تشد الانتباة وتحول الــ Strangers الى Visitors ثم الى prospective ثم الى Customers ثم الى Loyal ثم الى Promoters.

10- سوشيال ميديا يعنى 7 صنايع، لانك لو فاهم Graphic Design على Web Design على شوية Coding على حبة Web Mastering على D.Marketing بقيت انت الاب الروحى للسوشيال ميديا.

11- الكتب لا خطر منها ولا خوف الا عليك، لانى لاحظت ان السادة السوشيالجية تقريباً مسجلين فى مليون موقع متخصص ومدونة بتكتب فى السوشيال ميديا وشاريين او منزلين مليار كتاب فى هذا العلم وشغالين مصطلحات مكلكعة وخطط وطرق واستراتيجيات وكلام فخيم من اللى مش بيوصل لحاجة، ودا اكبر غلط لانك ببساطة لو عندك عربية و واخد عليها و واخدة عليك حتقدر تسبق بيها اى عربية تانية مهما كانت .. حتقولى لاء .. حقولك اه، لانك حتعرف تعمل غرزة وتعدى من اى زحمة وحيبقى عندك طرقك المختصرة، بس حتقولى ما ممكن بردة سواق فيرارى يكون واخد عليها وبيحبها وبتحبة .. حقولك هنا اللى بيفرق بيكم انت قلتة بنفسك (Budget) مش الامكانيات ولا الادوات. فهمت حاجة؟

12- سوشيال ميديا يبقى تركز على الــ ROI يعنى العائد على الاستثمار ودا بطبيعتة حيخليك تركز على الشريحة المستهدفة وعشان دا يحصل اونلاين وسط هذا العالم يبقى لازم يكون معاك ادواتك يا متمكن اللى هيا Promotion - Discount - Coupon وما الى خلافة، او طبعاً منتج قوى لحد ما تعمل السمعة awareness وعلطول يبقى انت كدة معاك براند صح ومن هنا يتحقق اهم حاجة تفيدك فوق او تحت وهيا الــ WOM ، صدقنى ركز على الــ ROI حتلاقيك بتركز على ادق التفاصيل.