Image شرح مبسط للمبتدئين فى لغه php

شرح من الـــ0 للغة Php

السؤال بقى السائد .. وانا لما اتعلمها هعمل بيها ايه؟؟

بص ياباشمهندس اي لغة برمجة حتى لو اسيمبلي هي مفيده جداْ .

اي مبرمج لازم هتلاقيه ذكي+سريع الفهم . يعني هتنميلك ذكائك وسرعة تصرفك .

لو دخلت ع اى موقع زي خمسات هتعمل منو شغل كتير مفيد جدا لان اغلب العرب ميعرفوش حاجه عن اللغه دي .

هتعمل لنفسك سكريبتات تشتغل بيها مش هتتعب نفسك فى حاجه سهله تتعمل بااسكربت وان .

مقدمة بسيطة عن اللغه لازم تبقى عارفها كويس

اولاْ:-

كل اللي بيتعلم برمجة جديد بيسمع عن كلمة #متغير 

يعني ايه متغير ؟

ف ال Php المتغير بيتعرف عن طريق الرمز ده $ (رمز الدولار) .بس بردو يعني ايه متغير .

المتغير ده هو المكان اللي انت بتحفظ فيه القيمة.

زي محفظتك .. انت بتشيل فيها الفلوس صح؟

المتغير ده بتشيل فيه القيم وهتشوف دلوقتي ازاي لو انت حابب تعرف متغير اسمه (احمد)

هيتعرف كده

$name = “احمد”;

طبعاْ لازم تعرف ان اسماء المتغيرات لها حدود بمعنى .

بمعنى ان المسموح منها (اسماء او حروف)..(ارقام)..و(_) #فقط #بس 

الحروف هتبقى زي كده (ملحوظه)>>متنساش ان المتغير بيتعرف برمز الدولار($)

-حروف هتبقى كده مثلاْ >> ($Name) وسبق ذكرها فوق ف مثال لو انت حابب تعرف متغير ( اسمه ) ( احمد ) 

-ارقام >>>( $111 )

-( _ ) >>> ( $_Ahmed )

نصيحة مستحبه ليس اكثر 

في فرق كبير بين مبرمج و #مطور 

بمعنى 

ممكن المبرمج يكتب نكش فراخ .. هو اكواده صح بس مرتب الدنيا بحيث لو حد تاني جه يراجع وراه مش هيفهم حاجه .. بس 

كشكل نهائي هو تمام زي الفل

انما المطور اكواده مٌرتبه 100% .. لو جيت تراجع وراه هتفهم كل حرف .

بغض النظر طبعاْ عن ان المبرمج هو صانع التطبيق وهو اللي كاتب اكواده

اما المطور بيقوم بتطوير التطبيق وتحسين التطبيق اللي صنعه المبرمج

لو عاوز تعرف متغير يحتوي ع اسمك هيكون كده ( $Ahmed ) 

مش من الطبيعي انك تعرف اسمك كده ( $154 ) ماهو حضرتك مش شغال ف المخابرات بقى وهتقرفنا معاك لأ خلي اكوادك تعبر عنك

ومش من الطبيعي انك تعرف اسمك كده ( $Aswan ) او ( $cairo ) الا بقى لو اسمك اسوان .

يعني خليك منطقي .. طبق وانت فاهم (ممكن تعرف عدد لا نهائي من الحروف طبعاْ مش شرط عدد معين)

طيب ياسيدي لو انت حابب تعرف متغيرين .. المتغير الاول يحتوي ع اسمك والمتغير التاني ع اسم اخوك .. لكن كل واحد منكم ف سطر لوحده .

هتعرف المتغير الاول ياسيدي وليكن (احمد) والتاني (محمد)

يعني الاسمين ( Ahmd mhmd ) 

$name = “احمد”;

$name = “محمد”;

عاوزك تفتح المحرر تطبق عملي وتشوف

?>php
$name1 = “احمد”;
$name2 = “محمد”;
Print $Name1;
Print $Name2;
?>

هتلاقي ف الاخر طلعلك كده (احمد محمد)

طيب هنعمله بقى كل اسم ف سطر

?>php
$name1 = “احمد”;
$name2 = “محمد”;
Print $Name1;
Print ''<br>''; // سطر جديد
Print $Name2;
?>

ف الاخر هيظهرلك 

احمد

محمد