انشاء مدونه بلوجر ومسك كلمات مفتاحيه |فكره ونكته

ازاى اعمل مدونة ؟

-لازم يكون عندك حساب على جوجل وبعد كده تدخل www.blogger.com وتسجل دخول بالاكونت بتاعك على جوجل.

-فى خانة الـ Title هتكتب اسم المدونة اللى انت عايز تنشئها والى هيظهر لزوارك وجمهورك.

-فى خانة الـ Address ده هيبقى اللينك بتاع المدونة بتاعتك.

-فى خانة الـ Templates هتختار التصميم الخاص بمدونتك.

- بعد ما تخلص كل ده دوس على Create Blog.

- انت كده خلاص خلصت وتبدأ تنشر المقالات بتاعتك بعد ما تدوس مشاركة جديدة هتلاقي عنوان فوق او Post title هتكتب فيه عنوان موضوعك وفى مربع كبير كده تحت العنوان ده هتكتب فيه موضوعك.

-نيجى بقى لأهم نقطة اللى كل الناس بتنساها وهى اعدادت المشاركات لازم تملاها كلها بعد كتابة كل موضوع (التسميات - المكان - الرابط) عشان أرشفة جوجل تبقى اسهل واسرع .

ازاي تختار الـ Keywords بتاعتك؟

كلنا عارفين ان الكلمات المفتاحية والدقة في اختيارها مهم جدًا ومؤثر على حجم مبيعات الشركة أو الموقع.

وكلنا برضوا عارفين ان لما تعمل موقع وتيجي في خطوة اختيار الكلمات المفتاحية هتجري على الكلمات الشهيرة في محركات البحث زي مثلًا عقارات، سيارات، سياحة، حذاء، شنطة.. وغيرهم.

في بقى فرق بين كلمات عامة وكلمات خاصة:

الكلمات العامة بتكون كلمة واحدة بتوصف منتجك واللي يقدر يحتلها هيكسب زوار بالملايين.

أما الكلمات الخاصة مبتعتمدش على الزوار ولكن الربح والفلوس لأنك بتستهدف فئة معينة والفئة دي مش عايزة معلومات وعايزة تشتري فعلًا.