Image اهميه مواقع السوشيال ميديا وبعض النصائح لادارة صفحتك على الفيس بوك

اهميه مواقع السوشيال ميديا واستغلالها فى تحقيق نجاحك

عارف ليه السوشيال ميديا مهمة في عملك التجاري؟

في مميزات ومنافع كتيرة هتعود عليك زي:
1-هتعرف أكبر عدد ممكن من المستهلكين والعملاء بعلامتك التجارية أو الخدمة أو المنتج اللي بتقدمه.
2-بتخلي في ولاء من العملاء تجاه علامتك التجارية اللي بيحصل نتيجة تواصلك معاهم.
3-بتزود في تحويل عملاء محتملين لعملاء حقيقيين هيشترو المنتج بتاعك من خلال معاملتك والفكره الى اخدوها عن شركتك او الخدمه الى هتقدمها لهم.
4-هتزود عدد زوار الموقع.. وده بيخلي العملاء مستمرين في الزيارة حتى بعد ما توقف الاعلانات لو كانت عندك استراتيجية واضحة ومحتوى يجذبه.
5-ده كمان بيخليك تظهر بسهولة على محركات البحث اللي أهمها ‏جوجل‬ لأنه بيركز أوي بمكانتك وشعبيتك مع الناس.
6-هتحسن خبرة المستخدم لأن مواقع السوشيال ميديا أساسًا وسيلة للتواصل وتستخدم لتحسين خدمة العملاء، تقديم خدمات الدعم الفني المجاني، متابعة شكاوى العملاء، الحصول على تقييمات -reviews- من العملاء.
7-هتعرف معلومات عن العملاء لأن مواقع السوشيال ميديا بتقدم تحليلات مفصلة عن عدد المعجبين ونوعهم وسنهم ومكانهم.. إلخ وده هيسعدك كتير انك تتعرف على عميلك وتقدمله رسالتك التسويقية.

عارفين ليه الموبايل أهم وسيلة للتسويق الرقمي

أول حاجة محدش فينا يقدر يستغنا عن الموبايل غير لما يكون في الشاحن وده مش دايمًا  او لما ينام ويكون وقع على بطنه متقدرش تستغنى عنه في أي مكان واي وقت.

تاني حاجة انه متوفر ليك نظام الدفع الالكتروني عن طريق الموبايل. وسهلت البنوك أنظمة وتطبيقات على أصحاب الهواتف الذكية اتمام معاملاتهم المالية بسهولة..وانت في مكانك تخلص كل حاجة.
بالنسبة بقى للحملات التسويقية عن طريق الموبايل تفوقت على وسائل
الإعلام التانية لسهولة تتبع الحملات الإعلانية وقياس ثمارها كما انها اكتر دقة في التتبع من ناحية المكان ورقم الموبايل.
وأخيرًا طلعت دراسة بتقول ان نسبة التفاعل من أصحاب الهواتف الذكية مع الاعلانات الالكترونية والرسائل القصيرة 13% من حيث الاطلاع والرد.
وبكدة بدل ما تكون أمام العميل المستهدف(اللوحات الاعلانية) فانت
دلوقتي في جيبه(الموبايل).