مصطلحات لا بد انت تعرفها فى مجال التسويق الالكترونى|فكره ونكته

علشان تكون مسوق محترف وليس مجرد هاوى اعرف شوية المصطلحات دول.. هيفيدوك في التسويق وفى مجال السوشيال ميديا عموما ان شااء الله .

اولا : CPC أو Cost Per Click

وده مقدار العائد اللي بيجيلك عن كل زائر ضغط على الاعلانات الموجودة في موقعك أو مدونتك.. والمعلن هو اللي بيحدد نسبة العائد اللي انت هاتخده عن كل زائر يضغط على اعلاناته.. وده بيختلف من معلن للتاني وكمان على حسب المحتوى.
مثلا عندك ادسنس بتحاسب على المشاهدات والنقرات على الاعلانات .بعكس مواقع ربحيه تانيه على سبيل المثال الموقع العربى حااسوب بيكون ملهوش اى علاقه بمشاهده الاعلانات لازم الزائر يضغط على الاعلان علشان تحسبلك ربح .

ثانيا : PPC أو Pay Per Click

وده زي الـ CPC مفيش فرق كبير بينهم عشان الناشر برضوا بيكسب عن كل نقرة على الاعلانات اللي حطها في موقعه او مدونته.

ثالثا :CPM أو Cost Per Mile/ Thousand

وده العائد اللي بيجيلك عن كل الف ظهور للاعلان اللي موجود في موقعك أو مدونتك.. ودي مستعملة من طرف أدسنس.

رابعا : CPI أو Cost Per Impression

ودي بقى تكلفة كل ظهور للصفحة اللي فيها اعلان بحيث يدفع المعلن 0.05 عن كل ظهور... فمثلا لو حصلت على 500 ظهور يعني 25 دولار.. ممكن تكون التكلفة أقل أو أكتر.

خامسا: CPA أو Cost Per Action

الدفع مقابل أكشن بيقوم بيه الزائر.. وشركات الـ CPA تعتبر وسيط بين المسوق والمعلنين من خلال الشركات ودورهم يدفعوا الفلوس مقابل الحصول على نشاط الزوار.

سادسا : CPL أو Cost Per Lead

وده بيكون معناه الدفع على كل مشاركة - كمية التكلفه لتحويله من Lead - يعني التكلفة اللي بيدفعها صاحب الاعلان عن كل واحد يسجل في عرضه.
التسجيل بيكون مجاني.. يقدر أي شخص يسجل في الموقع عن طريق الريفرل الخاص بيك من غير ما يدفع فلوس بس انت بتكسب في المقابل ما بين 1 لـ 30 دولار حسب كل موقع وفي اللي بيدفع أكتر.

سابعا : CTR او "Click-through rate"

ده مصطلح قديم ومعروف جدا فى التسويق الإلكتروني click through rate ومعناه معدل تفاعل الزائر مع الإعلان مقارنة بعدد مرات ظهور الاعلان للزائر وده بيكون متوفر ليه اداه فى ادوات مشرفى الموقع فى جوجل ، والغرض منه قياس مستوى تفاعل الإعلان مع الجمهور المستهدف - اللى هو الـ target audience .